علامہ اقبال اوپن یونیورسٹی نے خزاں 2026ء داخلوں کا اعلان کر دیا، آخری تاریخیں مقرر
اسلام آباد (ویب ڈیسک): علامہ اقبال اوپن یونیورسٹی (AIOU) نے خزاں 2026ء سمسٹر کے لیے مختلف پروگرامز میں داخلوں کا شیڈول جاری کر دیا ہے۔ یونیورسٹی کی جانب سے جاری کردہ اعلامیے کے مطابق میٹرک سے پی ایچ ڈی تک مختلف پروگرامز میں داخلے جاری ہیں۔
داخلہ شیڈول کے مطابق:
میٹرک، ایف اے، اے ڈی، بی ایس، بی ایڈ، پی جی ڈی اور سرٹیفکیٹ کورسز (Fresh Students) کے لیے درخواستیں جمع کرانے کی آخری تاریخ 10 اگست 2026ء مقرر کی گئی ہے۔
پی ایچ ڈی، ایم فل اور ایم ایس سی (آنرز) پروگرامز کے لیے داخلہ درخواستیں جمع کرانے کی آخری تاریخ 17 اگست 2026ء ہے۔
تمام پروگرامز (Continuing Students) کے لیے داخلہ فیس اور رجسٹریشن مکمل کرنے کی آخری تاریخ 24 اگست 2026ء مقرر کی گئی ہے۔
یونیورسٹی نے طلبہ کو ہدایت کی ہے کہ وہ مقررہ تاریخ سے قبل آن لائن داخلہ فارم جمع کرائیں تاکہ کسی بھی قسم کی مشکلات سے بچا جا سکے۔
اعلامیے کے مطابق امیدوار علامہ اقبال اوپن یونیورسٹی کے آن لائن ایڈمیشن پورٹل کے ذریعے درخواستیں جمع کرا سکتے ہیں، جبکہ پراسپیکٹس، پروگرامز کی تفصیلات اور اہلیت کے معیار یونیورسٹی کی ویب سائٹ پر دستیاب ہیں۔
AIOU ملک بھر میں اوپن اینڈ ڈسٹنس لرننگ نظام کے تحت میٹرک، انٹرمیڈیٹ، گریجویشن، ماسٹرز، ایم فل اور پی ایچ ڈی سطح تک تعلیمی سہولیات فراہم کر رہی ہے۔